Gubernur

Daerah Istimewa Yogyakarta

Sabdo Pangandika

UPACARA TANGGAP WARSO

DINTEN HADEGING INGKANG KAPING 97 KABUPATEN SLEMAN WARSO 2013

Sleman, 15 Mei 2013

 

Assalamu’alaikum Warahmatullahi Wabarakatuh.

· Bupati Sleman ingkang kinurmatan,

· Ketua DPRD Kabupaten Sleman ingkang kinurmatan,

· Para Pimpinan lan Pejabat Eksekutif, Legislatif saha Yudikatif Kabupaten Sleman,

· Sagung para rawuh saha sedaya masyarakat Kabupaten Sleman ingkang minulyo.

Sedaya ingkang kedah dipun syukuri bilih dinten Rebo Wage, suryo kaping 15 wulan Mei wrso 2013 menika Hadeging Kabupaten Sleman sampun jangkep 97 tahun, lumampah kanthi wilujeng sesarengan minangka brayat ageng Kabupaten Sleman.

Sampun sakmestinipun bilih dinten ingkang kebak sujarah menika kita sareng-sareng ngaturaken puji syukur wonten ing ngarsanipun Gusti Ingkang Maha Agung, Allah Subhanahu Wata’ala ingkang sampun kepareng paring barokah saha hidayah dhumateng kito sami, saenggo saget rawuh mahargyo hadeging Kabupaten Sleman ing dinten menika kanthi pinaringan kabagaswarasan, kawilujengan lan ugi saget ngleksanani pembangunan ing babagan menapa kemawon kagem raharjanipun masyarakat mliginipun Kabupaten Sleman.

Kulo nggadhahi pangajab dhumateng masyarakat Sleman supados tetep nyengkuyung sedoyo ingkang dipun ayahi Bupati lan program kerja ingkang sampun katemtokaken saget lumampah kanti sae, lan ndadosaken Sleman ingkang Sembada.

Para sedherek ingkang kinurmatan,

Ing wusana sedaya panuwunan ing ngajeng, kula ndherek mangayubagyo dinten HAdeging ingkang kaping 97 Kabupaten Sleman. Ing pangajab mugi Gusti Ingkang Maha Agung kepareng paring lumebering Taufik lan Hidayahipun. Dirgahayu Kabupaten Sleman ingkang sampun jangkep 97 warso menika.

Cekap semanten, lan matur nuwun awit kawigatosanipun panjenengan sami.

Wassalamualaikum Warahmatullahi Wabarakatuh.

Sleman, 15 Mei 2013

GUBERNUR

DAERAH ISTIMEWA YOGYAKARTA


HAMENGKU BUWONO X